​Шри-Ланканың экс-президенті тұтқындалды

Шри-Ланканың бұрынғы президенті Ранил Викремесингхе мемлекет қаражатын жеке мақсатта пайдаланды деген айыппен тұтқындалды, деп хабарлайды Report.

Полиция мәліметінше, Викремесингхе 2023 жылғы қыркүйекте Лондонға жасаған жеке сапары бойынша сұраққа жауап бергеннен кейін ұсталған. Ол сапар кезінде мемлекет басшысы болған. Полиция өкілі оның Форт-Коломбо аудандық сотына жеткізілетінін және мемлекет қаражатын жеке мақсатта пайдаланды деген айып тағылғанын айтты.

Шри-Ланка полициясының Қылмыстық тергеу департаменті Викремесингхенің жеке сапар үшін мемлекет қаражатын жұмсағанын және оның күзетшілерінің де мемлекеттен жалақы алғанын мәлімдеді.

Ранил Викремесингхе Шри-Ланка президенті лауазымында 2022 жылғы 20 шілдеден 2024 жылғы 23 қыркүйекке дейін қызмет атқарған. 2024 жылғы сайлаудан кейін оның орнына Анура Кумаре Диссанаяке келген.