В Атырау +3 
Атырау полициясы Lexus автокөлігінің иесін анықтады. Ол мемлекеттік тіркеу нөмірінің белгілерін әдейі өзгертіп, айыппұлдардың басқа автокөлік иесіне келуін көздеген.
Жалған нөмір туралы шағым «Белсенді азаматтар – Активные граждане» Telegram-чаты арқылы түсті. Тексеру кезінде ер адамның бірнеше рет жол ережесін бұзғаны анықталды, ал автоматтандырылған камералар бұзушылықтарды жалған нөмірге тіркеген.
Жүргізушіге ҚР Әкімшілік құқық бұзушылық туралы кодексінің 590-бабының 4-бөлімі бойынша әкімшілік хаттама толтырылып, материалдар мамандандырылған әкімшілік сотқа жолданды.
Полиция мемлекеттік тіркеу нөмірлерін өзгерту — заң бойынша ауыр құқық бұзушылық екенін және жауапкершілікке тартылатынын ескертеді.
11 тамыз, 21:59