Облыс әкімі «тілсіз жаумен» күрескендерге алғыс айтты

Атырау облысының әкімі Серік Шәпкенов «Ақжайық» мемлекеттік табиғи резерватының аумағында шыққан өртті сөндіруге үлес қосқан барлық адамдарға алғысын жеткізді.

«Құрметті жерлестер, осындай қиын сәтте уақытты ұмытпай, табиғат апатымен батыл күресіп жатқан баршаңызға алғыс айтамын. Бұл жұмыс шыдамдылықты, кәсіби шеберлікті және күш-жігерді талап ететін шынайы команда еңбегі», — деді ол.

Сонымен қатар, облыс басшысы қиын жағдайда сабырлы болып, жағдайды түсіністікпен қабылдаған өңір тұрғындарына да ерекше алғысын білдірді.