Көші-қон тәртібін бұзған 33 шетелдік Атыраудан шығарылды

Атырау облысында 16-20 маусым аралығында көші-қон заңдарын сақтау мақсатында республикалық «Заңсыз келуші – 2025» жедел-профилактикалық іс-шарасы өтті, деп хабарлайды Polisia.kz.

Осы шараның негізгі мақсаты — қоғамдық тәртіпті қамтамасыз ету, сот шешімімен елден шығарылуға тиіс адамдарды анықтау, сондай-ақ көші-қон саласындағы әкімшілік және қылмыстық құқық бұзушылықтардың алдын алу.

Тек екі күн ішінде 254 құқық бұзушылық тіркелді. Олардың ішінде:

• Қазақстанда болу мерзімі аяқталған соң елден шықпаған 64 шетелдік,

• Елден он күннен артық уақыт кетуден жалтарған 114 адам,

• Визалық режим талаптарын бұзып жұмыс істеген немесе еңбек қызметін рұқсатсыз атқарған 75 адам,

• Шетел азаматтарын қабылдайтын тұлғалардың заңбұзушылықтары бойынша 90 дерек,

• Заңсыз шетелдік жұмыс күшін тартудың 9 жағдайы анықталды.

Сонымен қатар, әкімшілік құқық бұзған 33 шетелдік сот шешімі негізінде Қазақстаннан шығарылды.

Полиция заңсыз көші-қонға қарсы күрес тұрақты түрде жалғасатынын және көші-қон заңдарын қатаң сақтау қажеттігін ескертеді.