В Атырау -4 
Махамбет ауданының шаруалары өткен жылы Жайық өзені күрт көтеріліп, су тасқыны салдарынан үй-жайынан айрылып зардап шеккен болатын. Олардың арасында Кеңөріс елді мекеніндегі шаруашылықпен айналысып отырған 6 отбасы бар. Тасқын кезінде малдарын басқа бағытқа көшіргенімен үйі, аула-қоралары суға кетіп далада қалған. Алайда осы күнге дейін шаруалар өтемақы ала алмай жүрген болатын.
- Үй-жайымыз апатты деп танылды. Махамбет ауылынан үй салынып беріледі, ал суға кеткен үй, қора онрналасқан жерлерді мемлекеттің меншігіне қайтару керек деді. Оған біз келіспедік. Махамбет пен Кеңөріс арасы 30-35 шақырым. Мал ауылда, өзіміз аудан орталығында болсақ, шаруамыз қалай үйлеседі? Сотқа жүгінуге тура келді, - дейді фермерлер.
Ақыры аудан әкімшілігі ақшалай көмек беретін болып, зардап шеккендердің мүліктері бағаланды.
- Біз облыстан қаржы сұраттық. Жуырда 42 млн теңге 4 отбасыға берілді, ал 2 отбасыны үймен қамтамасыз ететін болдық, - дейді Махамбет ауданы әкімі Қайрат НҰРЛЫБАЕВ.
Ләззат ҚАРАЖАНОВА