Жапонияның Хоккайдо жағалауында 6,1 магнитудалы жер сілкінісі болды

215 рет қаралды

Жапонияның шығысындағы Хоккайдо аралының жағалауында 6,1 магнитудалы жер сілкінісі тіркелді. Бұл туралы АА Жапонияның Бас метеорологиялық басқармасына сілтеме жасап хабарлады.

Ведомствоның мәліметінше, жерасты дүмпулері жергілікті уақыт бойынша 08:08-де Хоккайдоның оңтүстік-шығысындағы Немуро түбегі маңындағы су айдынында орын алған. Зілзаланың ошағы жер қыртысының таяз қабатында болған.

NHK мемлекеттік телерадиокомпаниясының хабарлауынша, қаза тапқандар мен зардап шеккендер туралы мәлімет жоқ.

Сондай-ақ, жер сілкінісінің Хоккайдо аралының шығыс жағалауында шамамен 20 сантиметрге дейін толқын биіктігінің аздаған өзгеруін тудыруы мүмкін екені атап өтілді.

19 маусым, 12:26

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.