В Атырау +4 
Президенттік жастар кадрлық резервінің мүшесі Дина Еділқызы Даниярова «"ҚазМұнайГаз" ҰК» АҚ-ның инвестициялық стратегияны басқару және стратегия департаментінің директоры болып тағайындалды, деп хабарлайды PRO КАДРЫ KZ.
Дина Даниярова АҚШ-тағы Джордж Вашингтон университетін «математика және статистика» мамандығы бойынша бітірген. Ұлыбритания мен АҚШ-тағы қаржылық мекемелерде тағылымдамадан өткен.
Ол бұрын Al Falah Capital Partners инвестициялық қорында аналитик және серіктес, сондай-ақ VPE Capital компаниясында басқарушы серіктес болып жұмыс істеген. Сонымен қатар, ірі жеке капиталды басқаруға маманданған «Family Offices» құрылымында бес жылдан астам уақыт директор қызметін атқарған.
2024 жылғы қаңтардан бастап Даниярова «"ҚазМұнайГаз" ҰК» АҚ-ның бизнес-серіктесі болып жұмыс істеген.
Сонымен қатар, ол «РФММ» КЕАҚ директорлар кеңесінің құрамына кіреді.