Облыстық полиция департаментінің Telegram чатында Зейнолла Ғұмаров көшесіндегі тұрғындар мопед иесіне шағымданды. Олар мопедтің қозғалтқышы тым қатты шу шығарып, тыныштықты бұзғанын айтады.

Видеороликте мопед жүргізушісінің қос тұтас сызықты кесіп өткенін көруге болады. Бірнеше сағаттан кейін құқық қорғау органдары мопедтің тәркіленіп, айып тұрағына қойылғанын хабарлады. Оның иесіне жүргізуші куәлігінсіз көлік басқарғаны үшін 20 АЕК мөлшерінде айыппұл салынады (ҚР ӘҚБтК 612-бабының 2-бөлігі).

Дайындаған Жомарт ӘМІРХАНОВ