В Атырау +27 
Арменияның сыртқы істер министрі Арарат Мирзоян Ереванның Еуропалық Одаққа кіру туралы Брюссельмен келіссөздер жүргізбейтінін мәлімдеді, деп хабарлайды Коммерсантъ.
«Армения ЕО-ға мүшелікке өтініш берген жоқ, бұл бағытта келіссөздер жүргізілмейді, сондықтан мұндай жағдай туындаса, бұл мәселе орынсыз болар еді. Мен бұл сценарий бойынша пікір білдіре алмаймын», – деді Мирзоян Ресейдің сыртқы істер министрі Сергей Лавровпен Ереванда өткен бірлескен баспасөз конференциясында.
2025 жылдың 4 сәуірінде Армения президенті Ваагн Хачатурян елдің ЕО-ға кіру процесін бастау туралы заңға қол қойды. Келесі қадамда билік Брюссельдегі әріптестерімен еуроинтеграцияның «жол картасын» талқылауды, содан кейін Еуропалық Одаққа кіру туралы референдум өткізуді жоспарлаған.
Алайда, Армения әлі ЕО-ға кандидат мәртебесін алған жоқ.
Ресейдің сыртқы істер министрінің орынбасары Александр Грушко Арменияның ЕО-ға ұмтылуына алаңдаушылық білдірді, өйткені бұл елдің Еуразиялық экономикалық одақтағы (ЕАЭО) мүшелігімен үйлеспейді. Армян билігі ЕАЭО-дан шығу жоспарын жоққа шығарды.