В Атырау +26 
Бүгін таңертең Тегеранда Әзербайжан елшілігіне шабуыл жасаған Ясин Гусейнзадеге қатысты өлім жазасы орындалды. Бұл туралы Yenisafak Иранның сот жүйесінің ақпараттық порталына сілтеме жасап хабарлады.
2023 жылғы 27 қаңтарда таңғы 08:30 шамасында қаруланған ер адам Әзербайжан елшілігіне лаңкестік шабуыл жасады. Шабуылды тоқтату кезінде елшіліктің қауіпсіздік қызметінің басшысы Орхан Аскеров қаза тапты, ал тағы екі қызметкер жарақат алды.
2023 жылғы 29 қаңтарда Әзербайжан елшілігіне жасалған шабуылдан кейін оның қызметі уақытша тоқтатылды. Елшілік қызметкерлері мен олардың отбасылары Бакуге эвакуацияланды.
Әзербайжан мен Иран арасындағы келіссөздер нәтижесінде 2024 жылғы 15 шілдеде елшілік жаңа мекенжайда қайта жұмысын бастады. Елші мен дипломатиялық персонал өз міндеттеріне қайта кірісті.
Ясин Гусейнзадеге қатысты сот процесі екі жылға созылды. Сот аяқталғаннан кейін Иранның Әділет министрлігі оған өлім жазасы тағайындалғанын хабарлады.
Иранның Жоғарғы соты елшілікке шабуыл жасаған адамға қатысты өлім жазасын бекітіп, үкімді орындау үшін істі Тегеранға жолдады.