В Атырау +26 
АҚШ президенті Дональд Трамптың әкімшілігі бейсенбі күні "Америка дауысы" радиостанциясының 600-ге жуық қызметкерін жұмыстан шығарды. Бұл шешім ұйымның мемлекеттік қаржыландырудан айырылуына байланысты қабылданған, деп хабарлайды РИА Новости,
Мамыр айында АҚШ-тың апелляциялық соты бұрынғы қызметкерлерді қайта жұмысқа алу туралы шешімді жойды. Наурызда радиостанцияның директоры Майкл Абрамовиц ұйымдағы 1 300-ден астам қызметкердің әкімшілік демалысқа жіберілгенін, ал "Америка дауысы" жұмысының тоқтатылғанын мәлімдеген еді.
Жұмыстан шығарылғандар негізінен журналистер мен әкімшілік қызметкерлер. Кейбір бұрынғы қызметкерлер маусым айының соңына дейін АҚШ-тан кетуге мәжбүр болады, себебі олардың иммиграциялық мәртебесі осы жұмысқа байланысты болған.
АҚШ-тың жаһандық медиа агенттігінің (USAGM) аға кеңесшісі Кэри Лейк бұл әрекеттерді үкіметтің бюрократияны қысқарту жоспарының бір бөлігі деп түсіндірді.