​Атырауда үш ірі спорттық нысан мемлекет меншігіне қайтарылды​

Жыл басынан бері өңірде үш ірі спорт нысаны, яғни, дене шынықтыру-сауықтыру кешені, мұз айдыны және "Атырау" облыстық футбол командасы" ЖШС мемлекет меншігіне қайтарылды. Бұл туралы Өңірлік коммуникациялар қызметі хабарлады. 

Бұл шешім мемлекет басшысының спорттық инфрақұрылымды тиімді дамыту жөніндегі тапсырмасына сәйкес қабылданды. Енді бұл нысандар облыстық Дене шынықтыру, спорт және туризм басқармасының тікелей бақылауында болады.

— Бұл өзгеріс өңірдегі спорт саласының ашықтығы мен тиімділігін арттыруға, сондай-ақ спорттық нысандардың қызмет сапасын жақсартуға жол ашады. Мемлекеттік бақылауға өткеннен кейін осы мекемелердің материалдық-техникалық базасын жаңарту, қызмет сапасын көтеру бағытында жүйелі жұмыстар жүргізіледі. Сонымен қатар бұл нысандар халық үшін бұрынғыдан да қолжетімді болмақ,- деді басқарма басшысының міндетін атқарушы Нұрбол Сыдықов.

Мемлекет меншігіне қайтарылған спорттық нысандарда балалар мен жасөспірімдерге арналған тегін үйірмелер мен спорт секциялары тұрақты түрде жалғасады. Сонымен қатар сенімгерлік басқарудағы “Орталық жүзу бассейнін” мемлекет меншігіне қайтару жұмыстары да басталды.