Атырауда бейәдеп сөз 700 мың теңге айыппұл арқалатты

Қала тұрғыны сотқа жүгініп, телефон арқылы өзін қорлағаны үшін басшысын қылмыстық жауапкершілікке тартуды сұрады.

Іс материалдарына сәйкес, жанжалға қатысушылар жұмыс істеген компания танымал, ірі кәсіпорын және Қашаған газ өңдеу зауыты жобасының операторы. Алайда жоғары мәртебе бөлім басшысының дөрекілігін ақтай алмады.

Қорлаушының айтқан сөзі: «Мен саған сексуалдық зорлық-зомбылық қолданамын, ақымақ адамсың» дегенге келеді.

Оқиғаны дауыс зорайтқыш режимін қосқан басқа қызметкер аудиожазбаға тіркеп алған. Оның айтуынша, басшының мұндай мінез-құлқы қалыпты жағдайға айналған. Жазба кейін лингвистикалық сараптамаға негіз болып, айтылған сөздер "жәбірленушінің ар-намысы мен қадір-қасиетін әдепсіз түрде қорлаған" деген қорытынды шығарылды.

Сотта айыпталушы өз кінәсін мойындамады, жазбадағы дауыс өзіне тиесілі емес деп мәлімдеді. Ол тіпті куәгерлерді шақырып, аудиожазба оның келісімінсіз жасалғандықтан, дәлел ретінде қабылданбауы керек екенін айтты. Алайда сот жазбаны заттай дәлел ретінде қабылдады. Филолог шақырылып, ол сөйлемді егжей-тегжейлі талдап, айтылған сөздер өте дөрекі екенін және лингвистикалық тұрғыдан қорлау болып табылатынын растады.

Сот басшыны кінәлі деп танып, оған 20 АЕК (78 640 теңге) көлемінде айыппұл салды. Сонымен қатар, азаматтық талап ішінара қанағаттандырылып, одан моральдық зиянды өтеу үшін 100 000 теңге, адвокат шығындары үшін 500 000 теңге, мемлекеттік баж ретінде 6 966 теңге және Жәбірленушілерді өтеу қорына мәжбүрлі төлем ретінде 18 460 теңге өндірілді.

Дөрекілік үшін жалпы айыппұл сомасы 704 066 теңгені құрады.

Үкім заңды күшіне енді.