В Атырау +26 
Мексикада мэрлікке үміткер Есения Лара Гутьеррес тікелей эфирде өлтірілді, деп хабарлайды Korrespondent.net.
Мексиканың Веракрус штатындағы Текистепек қаласының мэрлігіне үміткер Есения Лара Гутьеррес 11 мамыр күні сайлауалды кампаниясы кезінде оққа ұшты. Оқиға Facebook желісінде тікелей эфирде көрсетілген, сондықтан оқ атылған сәт видеоға түсіп қалған.
Шабуыл кезінде тағы үш адам қаза тауып, үш адам жараланған. Бұл туралы CNN телеарнасы хабарлады.
Оқиғаға қатысты тергеу жүргізілуде. Мексика президенті Клаудия Шейнбаум бұл жағдайға байланысты қауіпсіздік министрімен бірлесіп әрекет ететінін және қажетті қолдау көрсетілетінін мәлімдеді.
13 мамыр, 13:37