В Атырау 0 
Жайық-Каспий аймақаралық бассейндік балық шаруашылығы инспекциясы шектеулер Орман шаруашылығы және жануарлар дүниесі комитетінің бұйрығына сәйкес су биоресурстарын қорғау және олардың көбеюіне жағдай жасау мақсатында енгізілгенін хабарлады.
Жайық өзені: 15 мамыр мен 15 маусым аралығында кәсіпшілік емес (әуесқой) құралдармен балық аулауға тыйым салынады.
Қиғаш өзені және оның барлық арналары мен тармақтарында: 20 сәуірден 20 мамырға дейін тыйым күшінде. Бірақ бұл шектеу сенбі, жексенбі және мереке күндеріне қолданылмайды.
Сонымен қатар Жайық пен Қиғаштың қосалқы су қоймаларында 1 сәуір мен 31 тамыз аралығында балық аулауға болмайды. 1 сәуірден 15 маусымға дейін шаян аулауға толық тыйым салынған.
Каспий теңізі сағасынан Кіші Дамбин учаскесіне дейінгі Жайықтың бір бөлігіне жыл бойы балық аулауға болмайды. Бұл - балықтардың көбеюіне тыныштық аймағы ретінде белгіленген.
Инспекция аталмыш тыйымды бұзғаны үшін ҚР Әкімшілік құқық бұзушылық туралы кодексінің 383-бабына сәйкес 39 320 теңгеден 157 280 теңгеге дейін айыппұл қарастырылғанын мәлімдеді.
Нұрбейбіт НҰҒЫМАНОВ