В Атырау +4 
Axios басылымының хабарлауынша, АҚШ Конгресінің демократ мүшесі Ричи Торрес президент Дональд Трампқа қатысты тергеу жүргізуді талап етті. Себебі Трамп Катар корольдік отбасынан Boeing 747-8 ұшағын сыйлық ретінде қабылдауды жоспарлап отыр, оның құны шамамен 400 миллион доллар, деп хабарлайды Коммерсантъ.
Торрес бұл мәселе бойынша бірнеше АҚШ мемлекеттік органдарына құжаттар жіберген. Ол бұл ұшақты «ұшатын сарай» деп атап, оны АҚШ президентіне шетелдік үкімет сыйлаған ең қымбат сыйлық деп сипаттады.
Дональд Трамп бұл келісімді «өте ашық» деп атады. Ол Truth Social әлеуметтік желісінде: "Қорғаныс министрлігі Boeing 747 ұшағын тегін сыйға алып отыр. Бұл өте ашық және жария келісім. Бірақ адал емес демократтар бізді ұшақ үшін толық төлем жасауға мәжбүрлемекші", – деп жазды.
Axios бұған дейін Ақ үй мен АҚШ Әділет министрлігі бұл сыйлықтың ресми актімен бекітілмегендіктен, пара болып саналмайтынын хабарлаған. Бас прокурор Пэм Бонди жүргізген заңдық талдау Конституциядағы шетелдік сыйлықтарға тыйым салу ережесін бұзбайтынын көрсеткен.