В Атырау +4 
Бұл қақтығыс заманауи авиация тарихындағы ең ауқымды және ұзаққа созылған әуе шайқастарының бірі болды, деп хабарлайды УНИАН.
CNN-нің Пәкістан қауіпсіздік қызметіндегі жоғары лауазымды дереккөзіне сілтеме жасап хабарлауынша, шайқас барысында бес үндістандық ұшақ атып түсірілген.
Барлығы 125 әскери ұшақ қатысқан бұл әуе шайқасы бір сағаттан астам уақытқа созылды. Дегенмен, екі тарап та өздерінің әуе кеңістігінен шыққан жоқ.
Ұшақтар 160 км-ден астам қашықтыққа зымырандар жіберді, бірақ ешбір тарап өз ұшқыштарын қарсылас аумағына жібергісі келмеді, өйткені бұл олардың атып түсірілу қаупін бірнеше есе арттыратын еді.
Желіде жарияланған суреттерге қарағанда, Үндістанның Әуе күштері шайқас кезінде кем дегенде бір Dassault Rafale жойғыш ұшағынан айырылған.
Бұл ұшақтың BS 001 борттық нөмірі (сериялық нөмірі EN01) болған. Ол 2016 жылғы келісімшарт бойынша Үндістан үшін жасалған алғашқы бір орындық Rafale жойғышы еді.
Басқа кадрларда BrahMos-A гипердыбыстық қанатты зымырандарының пайдаланылған бөліктері мен мұрындық қаптамалары көрінеді. Бұл зымырандарды Үндістанның Су-30МКИ жойғыштары тасымалдайды.
Ал Пәкістан J-10C жойғыштарын қолданғаны белгілі.
Бұл ұшақ Chengdu J-10 модификациясы, оны Қытайдың Chengdu Aircraft Industry Group (CAIG) компаниясы әзірлеп, шығарады. Ашық дереккөздерге сәйкес, Пәкістан кемінде 20 осындай жаңа үлгідегі жойғыш алған.