В Атырау +4 
Азербайжандық ADOG компаниясы мен Зира халықаралық порты Каспий мен Қара теңізді қосатын жерасты тоннелін салу бастамасын көтерді. Бұл туралы компания басшысы, еңбек сіңірген инженер Муса Сүлейманов қол қойған ресми мәлімдемеде айтылған.
Жобаға сәйкес, диаметрі 10 метрлік жерасты тоннелі Қара теңізді (Грузия немесе Ресей аумағынан) Каспиймен байланыстырады. Табиғи деңгей айырмашылығы есебінен Қара теңізден Каспийге су насоссыз ағып келеді.
Бастама Каспий теңізінің су балансын тұрақтандыруға бағытталған, өйткені оның деңгейі соңғы жылдары күрт төмендеп, жағалаудағы мемлекеттер үшін елеулі экологиялық, экономикалық және инфрақұрылымдық қауіп төндіруде.
Компания жобаның жүзеге асырылуы толық экологиялық мониторингпен және биоәртүрлілікті сақтау шараларымен қатар жүретінін атап өтті. ADOG техникалық-экономикалық негіздемені дайындауға және қажетті ресурстарды жұмылдыруға дайын.
Ұсыныс авторлары оны мемлекеттік деңгейде қарастырып, уәкілетті органдарға алдын ала консультациялар жүргізуді тапсыруды сұрайды.