В Атырау -5 
Махамбет ауданына қарасты осы ауылды көгалдандыру мақсатында ақтерек ағашын егіп, оны баптап-өсірген тұрғындар арасында байқау жарияланды.
Бұл істің бастамашысы "Дастан" шаруа қожалығы. Қожалық басшысы Қоныс ЕРМАНОВ теректерді тегін ұсынып, жүлде қорын тағайындады.
Күзде арнайы комиссия үздіктерді анықтайды. Жүлде қоры:
- 1-орынға - 100 мың теңге,
- 2-орынға - 50 мың теңге,
- 3-орынға - 20 мың теңге.
Ауыл әкімі Ақтұрлан ЕРМАНОВТЫҢ айтуы бойынша, қазірдің өзінде 300-дей ағаш отырғызылды. "Ақжайық" су тазарту стансасы аумағында 70-тен астам терек отырғызылды. Бұл жұмыс әлі де жалғасып жатыр.
-Теректер тегін беріліп жатыр, тұрғындар арасында қызығушылық бар. Талдар жазғы суару жүйесі арқылы суарылады. Теректің өсіп кетуі - еңбекке байланысты. Ақжайық ауылында жасыл желек жайқалып тұрса екен деп тілейміз, -дейді әкім.
Ұйымдастырушылар бұл байқауға көрші ауыл тұрғындары да қызығушылық танытқанын атап өтті. Алайда байқау шарты бойынша олар қатыса алмайды.
- Егер әр ауылда жергілікті кәсіпкер бастамашы болса, әкімдіктен қолдау болары сөзсіз. Жасыл желек көбейсе, ауа тазарып, шаң-тозаң да азайып, жазда аптап ыстық болмас еді, - дейді ауыл әкімі.
P.S. Мұндай науқандық шаралар көгалдандыру мәдениетін қалыптастырады. Біздің өңірде дәстүрлі түрде көбі мал шаруашылығымен айналысады.
Егер жерді баптауға дағдыланса, егіншілер де көбеюі ғажап емес.
Айнұр САПАРОВА