В Атырау +4 
Бірқатар әуе соққысынан 16 адам зардап шекті, деп хабарлайды Kazinform агенттігі.
Йемендегі хуситтер АҚШ-ты ел астанасы Сана және оның төңірегіне дүйсенбі күні шабуыл жасады деп айыптады.
Al Masirah агенттігі хабарлағандай, шабуылдар Әл-Джауф және Мариб провинцияларына бағытталған.
Хуситтермен байланысы бар SABA агенттігінің мәліметінше, АҚШ ел астанасындағы Арбаин көшесі мен әуежайға барар жолды атқылаған.
Йемен үкіметінің мәліметінше, Саван ауданындағы шабуылдан 16 адам зардап шеккен.
Бұл оқиға Израиль премьер-министрі Нетаньяхудің хуситтерге қарсы жауап беретінін және Иранға шара қолданатынын мәлімдегеннен кейін болды. Оның мәлімдемесі хуситтердің Тель-Авивтегі әуежайға зымыранмен шабуыл жасағанынан кейін айтылды. Бұл шабуыл халықаралық рейстердің тоқтатылуына және алты адамның жаралануына әкелді.
Бұған жауап ретінде, хуситтер Израильдің Газа секторындағы әскери әрекеттерін кеңейтуіне байланысты Израильге қарсы әуе блокадасын жариялады және әуе компанияларын рейстерін тоқтатуға шақырды.