В Атырау +4 
АҚШ президенті Дональд Трамп үшінші мерзімге сайлану туралы қауесеттерді жоққа шығарды. Ол NBC News телеарнасына берген сұхбатында екі мерзімнен кейін қызметінен кететінін және Конституцияда белгіленген шектеулерді сақтайтынын мәлімдеді, деп хабарлайды АА.
Трамп Республикалық партияда оның саясатын жалғастыра алатын лайықты кандидаттар бар екенін атап өтті. Ол вице-президент Джей Ди Вэнс пен мемлекеттік хатшы Марко Рубионы ықтимал мұрагерлер ретінде атады.
22-ші түзетуге қатысты пікір білдірген Трамп бұл норманың қатаң конституциялық екенін білмейтінін, бірақ кейбіреулер оны өзгерту үшін дауыс беруге жүгінуге болатынын айтатынын жеткізді.
Бұған дейін, наурыз айында, Трамп үшінші рет сайлауға түсу мүмкіндігін жоққа шығармаған, себебі ол өз жақтастарынан маңызды ұсыныстар алғанын мәлімдеген еді.