В Атырау -10 
2025 жылдың 3 және 4 мамырында сағат 08:00-ден 15:00-ге дейін Жилгородок ықшамауданындағы "Мұнайшы" стадионының алдында жергілікті тауар өндірушілер мен шаруа қожалықтарының жәрмеңкесі ұйымдастырылады.
Кәсіпкерлік және ауыл шаруашылығы бөлімі хабарлағандай, жәрмеңкеде тұрғындар мен қонақтар азық-түлікті қаладағы сауда нүктелеріндегі бағадан 10–15% төмен сатып ала алады.
Жәрмеңкеде жаңа піскен көкөністер, жемістер, ет және сүт өнімдері, дәнді дақылдар және аймақта өндірілген ауыл шаруашылығы өнімдері ұсынылады.
Бұл іс-шара жергілікті фермерлерді қолдауға, азық-түлік қауіпсіздігін қамтамасыз етуге және халыққа түсетін баға жүктемесін азайтуға бағытталған.
3 мамыр 2025, 13:50