В Атырау +4 
Жапониядағы ең жүктемелі теміржол желісі – Токио мен Осака арасындағы «Синкансэн» пойыздарының қозғалысы екі сағатқа тоқтатылды. Себебі метрлік жылан электр сымдарына оралып, қысқа тұйықталу тудырған, деп хабарлайды BBC News Русская служба
Оқиға Майбара мен Гифу-Хасима станциялары арасында сағат 17:00 шамасында орын алған. Жылан электр бағанына өрмелеп, жоғары кернеулі сымдардан өтуге тырысқан кезде өлген.
Пойыздарда жарық пен кондиционерлер жұмыс істеп тұрғанымен, қозғалыс тоқтап қалған. Токиодағы билет сату автоматтарының алдында ұзын-сонар кезектер пайда болған. Қозғалыс сағат 19:00 шамасында қалпына келтірілді.
Бұл оқиға Жапониядағы «Алтын апта» ұлттық мерекелер кезеңіне сәйкес келді, сондықтан әуежайлар, вокзалдар және басқа көлік тораптары ерекше жүктемеге ұшырады.