Қазақстандық мұнайшылар санкцияларға байланысты батыстық жабдықтарғ​а қызмет көрсете алмай отыр

Ресейге қатысты батыс жабдықтарына салынған санкциялар Қазақстанның мұнай-газ секторына да кері әсерін тигізуде, деп хабарлайды «Нефть и газ Казахстана» Telegram-арнасы.

Ресейдегі ірі халықаралық мұнай-газ жабдықтарын өндірушілер санкцияларға байланысты қызметін тоқтатқаннан кейін, Қазақстандағы жер қойнауын пайдаланушылар мен газ тасымалдаушылар бұл жабдықтарды, әсіресе Emerson мен Siemens компанияларының газ хроматографтарын қызмет көрсетуде қиындықтарға тап болды.

Бұл мәселе «Қазгермұнай», «Қазақойл-Ақтөбе», «Ембімұнайгаз», «СНПС-Ақтөбемұнайгаз», «Азиялық Газқұбыры», «Интергаз Орталық Азия» және басқа компанияларға әсер етуде.

Қазақстан халықаралық аналитикалық жабдық өндірушілеріне тартымсыз нарыққа айналды. Себебі өлшеу құралдарының паркі шектеулі және ескі газ хроматографтарын жаңа стандарттарға сәйкестендіру шығындары өте жоғары.

Осы жағдайда KAZENERGY қауымдастығы Emerson компаниясымен келіссөздер жүргізуді бастады және Siemens компаниясымен өзара тиімді шешімдерді табу мақсатында диалог жүргізуді жоспарлауда.