В Атырау 0 
«АЖ» Сыбайлас жемқорлыққа қарсы қызметке Атырау мұнай өңдеу зауытының бірқатар қызметкерлеріне қатысты тергеу әрекеттері туралы БАҚ пен әлеуметтік желілерде тараған ақпаратқа түсініктеме беруді сұрап, сауал жолдады.
Petrocouncil.kz ақпаратына сәйкес, Антикор зауыттың бұрынғы басшылық өкілдерінің үйлерінде тінту жүргізген. «АЖ» оқырмандарының пікірінше, күш құрылымдары 2024 жылдың соңына дейін қызмет көрсеткен өндірістік бақылау департаментінің директоры Альфия Распекова мен техникалық сарапшы Оспанбек Әлсейітовтің қызметіне қызығушылық танытқан.
Өкінішке орай, Сыбайлас жемқорлыққа қарсы агенттік зауыт басшылығына қатысты қылмыстық істің бар-жоғы туралы түсініктеме беруден бас тартты. Құқық қорғау органы ҚР Қылмыстық-процестік кодексінің 201-бабына сілтеме жасап, сотқа дейінгі тергеудің деректерін жарияламайтынын мәлімдеді.
Жомарт ӘМІРХАНОВ