В Атырау -2 
БҚО прокуратурасы 70 млн теңгеден астам сомаға мемлекеттік сатып алуды жою арқылы 1249 баланың құқықтарының бұзылуының жолын кесті. Сырым ауданының білім бөлімі 2025 жылғы 29 қаңтарда ауылдық мектептердегі 1-4 сынып оқушылары үшін тамақтандыруды ұйымдастыру бойынша 71,7 млн теңге сомасына 9 конкурс жариялады.
Алайда конкурстық құжаттаманы зерттеу барысында ұсынылған перспективалық мәзір санитарлық-эпидемиологиялық талаптарға сай келмейтіні анықталды.
Мәзірде кейбір күндері балаларға қажетті сүт, қант және май жеткілікті көлемде қарастырылмаған. Сонымен қатар, 5 компоненттен тұратын күрделі салат енгізілген, бұл қоғамдық тамақтану нысандарына арналған санитарлық талаптарды бұзу болып табылады.
Сондай-ақ, 200 гр шырынның орнына 165 гр көлемінде көрсетілген, бұл бекітілген нормалардан төмен.
Осыған байланысты Сырым ауданы прокуратурасының наразылығы негізінде конкурстардың күші жойылды.