«ҚазТрансОйл» АҚ негізгі басқармалардың жаңа басшыларын таныстырды

«ҚазТрансОйл» АҚ компанияның өндірістік бөлімшелері мен орталық аппаратында жаңа кадрлық тағайындаулар туралы хабарлайды. 

Тағайындалған басшылар өндірістік сатылардың барлық кезеңдерінен өтіп, көп жылдар бойы жоғары кәсібилік пен өз істеріне адалдықтарын көрсетіп келеді. Олардың тәжірибесі мен өндірістік үдерістерді терең түсінуі компанияның әрі қарай дамуына өз үлесін қосады.

Жаңа басшылық құрам

• Темірхан Әбдіров – Павлодар мұнай құбыры басқармасының бастығы. 29 жылдық тәжірибесі бар. Бұған дейін «ҚазТрансОйл» АҚ Басқарма құрамында, өндіріс жөніндегі бас директордың орынбасары қызметінде жұмыс істеген.

• Мереке Игалиев – Маңғыстау мұнай құбыры басқармасының бастығы. 29 жылдық тәжірибесі бар. Бұрын Атырау мұнай құбыры басқармасы бастығының орынбасары қызметін атқарған, сондай-ақ «Қазақстан-Қытай Құбыры» ЖШС-де өндіріс жөніндегі бас директордың орынбасары болған.

• Еркен Сүйіндіков – Атырау мұнай құбыры басқармасының бастығы. 27 жылдық тәжірибесі бар. Бұған дейін Павлодар мұнай құбыры басқармасын басқарған, сонымен қатар Шымкент, Маңғыстау мұнай құбыры басқармаларында жауапты қызметтерде болған.

• Марлен Төлегенов – Пайдалану департаментінің директоры. 25 жылдық тәжірибесі бар. Атырау мұнай құбыры басқармасының басшысы қызметін атқарған, сондай-ақ көлік департаментінің бас менеджері ретінде жұмыс істеген.

Компанияның жаңа басқарушылары өндіріс үдерістерін терең түсініп, өз тәжірибелерін пайдалана отырып, «ҚазТрансОйл» АҚ дамуына оң ықпал етуді мақсат етеді.

Компания өндіріс тиімділігін арттыру, жоғары технологияларды енгізу, логистикалық жүйені жетілдіру бағытында жұмысын жалғастыруда.

Бұл кадрлық өзгерістер мұнай тасымалдау саласының тұрақтылығын қамтамасыз етіп, компанияның стратегиялық міндеттерін орындауға көмектеседі.