В Атырау 0 
Атырауда қаланы абаттандыру бағдарламасы аясында 15 жаңа балалар ойын алаңының құрылысы аяқталды, тағы 30-ға жуық ойын алаңы белсенді салынып жатыр. Бұл туралы қала әкімдігі хабарлады.
"Балалар – біздің болашағымыз. Сондықтан олардың бос уақытын тиімді өткізуіне, денсаулығын нығайтып, қауіпсіз ортада ойнауына жағдай жасау – басты мақсатымыз", - деп атап өтті қала әкімдігі.
Осы орайда, қаланың 15 аумағында - Өркен, Нұрсая, Зарослый, Алмагүл, Авангард, Вокзал маңы, Атырау ықшам аудандары және т.б. тұрғын алабында өлшемі 12х12 болатын жаңа балалар ойын алаңдары салынып, қазіргі таңда толық аяқталып, халық игілігіне берілді.
Сонымен қатар, 29 мекенжайда: Береке, Көкарна, Құрсай, Жұмыскер, Авангард, Геолог, Сарыарқа көшесі және басқа да аумақтарда) 20х15, 20х20 және 40х25 көлеміндегі балалар ойын алаңдары, екі дана “Кораблик” түріндегі алаңдар салынып жатыр.
Бұл жұмыстарға оң қорытынды алынып, қазіргі таңда құрылыс-монтаж жұмыстары қарқынды жүргізілуде.
"Бұл – балалардың шат күлкісі мен ата-аналардың ризашылығына толы игі бастама. Алдағы уақытта да Атырау қаласын көркейту және жайлы қалаға айналдыру бағытында жұмыстар жүйелі түрде жалғасын табатын болады", - деп атап өтті әкімдік.