В Атырау +4 
Молдовада оппозиция өкілдері президент Майя Санду парламентте сөз сөйлеп жатқан кезде залдан шығып кетті. Олар мемлекет басшысын "заңсыз" деп атап, "фарсқа" қатысудан бас тартты, деп хабарлайды РИА Новости.
Оппозициялық "Победа" блогының депутаттары бұл әрекеттерін "өтірікті заңдастырудан бас тарту" деп түсіндірді.
Олардың айтуынша, Майя Санду елдің атынан сөйлеуге моральдық және заңды негізі жоқ, себебі ол елді геосаяси шиеленістерге және ішкі тұрақсыздыққа тартуда деп санайды. Соңғы айларда Санду мен оппозиция арасында еуроинтеграция және Ресеймен қарым-қатынас мәселелеріне қатысты келіспеушіліктер күшейді. Оппозиция президентті халықтың басым бөлігінің мүдделерін елемей, қоғамды бөлетін саясат жүргізді деп айыптауда.
2022 жылдың мамыр айынан бастап Молдова оппозициясы үкімет пен президенттің отставкасын талап етіп, антиүкіметтік наразылықтар өткізуде. Билік экономикалық және энергетикалық дағдарысты шеше алмады деп айыпталып, оппозицияға қысым көрсетуде. Оппозицияның кейбір мүшелері, мысалы, "Шор" партиясы, қудалануда, ал басқа саяси партиялардың жақтастары үнемі тінтіліп, қамауға алынып жатыр.