В Атырау 0 
Соңғы жылдары велосипедті экологиялық көлік ретінде таңдаушылардың саны артып келеді.
Алайда көпшілік арнайы орында жүрмеген жағдайда салынатын айыппұлдың барын біле бермейді,-деп хабарлайды Өңірлік коммуникациялар қызметі.
Қаланың орталық бөлігіндегі жағалауда сағат 19.00-ден 23.00-ге дейін велосипедпен жүруге тыйым салынған. Жол полициясы осындай талаптарды орындамаған жүргізушілерге ескерту жасап, айыппұл сала алады. Егер бір жыл ішінде қайталанса, айыппұл көлемі 39320 теңге болмақ.
- Жол қозғалысы ережелерін сақтау – сіздің қауіпсіздігіңіз бен өзге азаматтардың амандығы үшін маңызды. Велосипедпен арнайы веложолақтармен немесе жол жиегімен ғана жүру керек. Құлаққап тағу, телефон қолдану және жарықсыз жүру апатқа әкелуі мүмкін. Ереже бұзылған жағдайда 1 АЕК көлемінде айыппұл салынады,- деді Атырау ҚПБ ППБ рота командирі Бахтияр Мейрханов
Айта өтейік, осы жылы велосипед апаты екі мәрте тіркеліп, біреуі адам өлімімен аяқталды.