Атырауда Жеңіс күніне орай кімдерге және қанша төленеді

Ұлы Отан соғысындағы Жеңістің 80 жылдығына орай Атырау облысының әкімі өңірлік іс-шаралар жоспарын бекітті. Оның аясында бірнеше мәдени-танымдық және спорттық іс-шаралар ұйымдастырылады.

Өкінішке орай, қазіргі таңда Атырау облысында Ұлы Отан соғысына қатысқан бірде-бір тірі ардагер қалмаған. Дегенмен, 9 мамыр – Жеңіс күні қарсаңында оларға теңестірілген санаттағы азаматтарға бір реттік әлеуметтік көмек көрсетіледі.

Ресми ақпаратқа сәйкес, 2025 жылдың мамыр айында көмек алатындар:

• Атырауда тұратын жалғыз фашистік концлагерь тұтқыны – оған 1 млн теңге мөлшерінде бір реттік төлем беріледі.
• Жеңіске қосқан үлесі үшін марапатталған 13 тыл ардагері – әрқайсысына 100 мың теңгеден, жалпы сомасы – 1,3 млн теңге.
• Еңбегі немесе қызметі үшін марапатталмаған, бірақ соғыс жылдары алты айдан астам жұмыс істеген 711 тыл ардагері – әрқайсысына 50 мың теңгеден төлем беріледі.