Атыраулық болашақ мұнайшылар Испанияда тәжірибеден өтеді

397 просмотра

Utebayev University Испанияның инжиниринг саласындағы жетекші компанияларының бірі Técnicas Reunidas (TR)-пен стратегиялық ынтымақтастық туралы меморандумға қол қойды. Бұл келісім университет студенттеріне Мадридте тағылымдамадан өтуге және жаһандық мұнай-газ жобаларына қатысу мүмкіндігін ұсынады.

TR – Атырау облысында салынып жатқан «Силлено» полиэтилен зауытының пиролиз қондырғысын салудағы негізгі EPC мердігерлерінің бірі. Енді бұл компания университеттің білім беру саласындағы серіктесіне айналды.

«Жыл сайын 30 студент онлайн оқуды аяқтап, Мадридтегі TR кеңсесінде тәжірибеден өтеді. Төрт жыл ішінде 120 қазақстандық халықаралық тәжірибе жинап, инженерлік жаһандық шешімдердің құрамдас бөлігіне айналады», – деп мәлімдеді университет ректоры Гүлзада Шакуликова.

Бұл жоба «ҚазМұнайГаз» ұлттық компаниясының қолдауымен жүзеге асырылып, болашақ инженерлердің техникалық құзыреттілігін дамытып, академиялық білімді әлемдік мұнай химиясының нақты міндеттерімен ұштастыруды мақсат етеді.

Ынтымақтастық индустрия мен университет арасындағы тұрақты көпір бола отырып, студенттердің кәсіби өсуіне ықпал етеді және қазақстандық мамандардың жаһандық инженерлік кәсіби тұрғыда қалыптасуына жол ашады.

15 сәуір, 15:10

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.