Трамп Сумыға жасалған шабуылды «қорқынышты» деп атап, соғыстың басталуына Байденді айыптады

АҚШ президенті Дональд Трамп Ресейдің Украинадағы Сумы қаласына жасаған шабуылын «қорқынышты» деп атап, соғысты бастады деп өзінен бұрынғы президент Джо Байденді айыптады, деп хабарлайды АА.

Air Force One ұшағында журналистермен сөйлесу барысында Трамп соғыстың өзі «қорқынышты нәрсе» екенін атап өтті. «Егер мен президент болсам, бұл соғыстың басталуына ешқашан жол бермес едім: «Бұл масқара», - деді ол.

Трамптың айтуынша, қақтығыстың басталуына жауапкершілік Байденге жүктеледі: «Бұл менің соғысым емес. Бұл Байденнің соғысы. Мен оны тоқтатуға және мүмкіндігінше көп адамның өмірін сақтап қалуға тырысамын».

 Трамп егер өзі президент болса, Ресей мен Украина арасындағы соғыс басталмас еді деген тезисін қайталады. Ол Ресей президенті Владимир Путин Ақ үйде Байден емес, өзі болғанда қақтығысты бастамас еді деп мәлімдеді. Оның пікірінше, Путин Байденді құрметтемейді, сондықтан басып кіру туралы шешім қабылдаған.

Соғыс салдарынан миллиондаған адамдар қаза тапты, олар тірі болуы керек еді, деп қосты ол.

Иран туралы сұраққа жауап бере отырып, Трамп бұл мәселе бойынша әртүрлі тараптармен келіссөздер жүргізіп жатқанын айтты. «Біз жақын арада Иранға қатысты шешім қабылдаймыз», - деп атап өтті ол.

Байденнің миграциялық саясаты туралы айта отырып, Трамп оның салдарын ұмытуға болмайтынын атап өтті. Ол бұрынғы әкімшілікті түрмелер мен психиатриялық клиникалардан миллиондаған адамдарды елге жіберді деп айыптады, бұл оның айтуынша, көптеген проблемаларды, соның ішінде инфляцияның өсуін тудырды.