Павлодар мұнай-химия зауытының жаңа бас директоры тағайындалды

«Павлодар мұнай-химия зауыты» (ПНХЗ) ЖШС жалғыз қатысушысы — «ҚазМұнайГаз» ҰК» АҚ шешімімен кәсіпорынның жаңа бас директоры (Басқарма төрағасы) болып Маждай Мағауиұлы Ахметов тағайындалды.

Жаңа басшыны зауыт ұжымына "ҚазМұнайГаз" ҰК АҚ басқарма төрағасы Асхат Хасенов таныстырды.

Маждай Ахметов – бір кәсіпорындағы мансаптық өсудің үлгісі. Еңбек жолын 2010 жылы Павлодар мұнай-химия зауытында технологиялық қондырғылардың операторы болып бастап, 15 жылдан кейін бас инженер, ал қазір бас директорға дейін көтерілді.

Оның мансабындағы негізгі кезеңдер:

• изомерлеу және нафта сплиттері қондырғысының бастығы;
• операциялық үйлестіруші;
• өндіріс департаментінің бас технологы;
• өндіріс жөніндегі бас директордың орынбасары – бас инженер (2024–2025).

"ҚазМұнайГаз" басшысы Ахметовке келесі міндеттерді жүктеді:

• зауыттың тұрақты және қауіпсіз жұмысын қамтамасыз ету;
• операциялық тиімділікті арттыру;
• жеңіл мұнай өнімдерін шығару көлемін ұлғайту;
• дизель отынын гидротазарту қондырғысын реконструкциялауды қоса алғанда, негізгі инвестициялық жобаларды жүзеге асыру;
• тоқтап қалуды азайтуға бағытталған жөндеуаралық кезеңді енгізу.

Сонымен қатар, бұрынғы бас директор Қуаныш Бишімовтің өкілеттігі тоқтатылғаны хабарланды.

ПМХЗ – Қазақстандағы мұнай өңдеу саласындағы негізгі кәсіпорындардың бірі. Зауыт ішкі нарықты мұнай өнімдерімен қамтамасыз етуде маңызды рөл атқарады, ал оның жаңғыртылуы мемлекеттің стратегиялық басымдығы болып табылады.