В Атырау +4 
Германияда 10 наурыз күні басталған ереуіл салдарынан елдің 13 әуежайында көптеген рейстер тоқтатылды. Associated Press және "Европейская правда" басылымдарының мәліметінше, Франкфурт әуежайында жоспарланған 1116 рейстің 1054-і тоқтатылған.
Берлинде барлық дерлік рейстер, соның ішінде келетін ұшулар тоқтатылды, ал Гамбургте ұшуға арналған барлық рейстер орындалмаған.
Неміс әуежайлары қауымдастығының (ADV) болжамы бойынша, ереуіл кезінде 3500-ден астам рейс тоқтатылып, 560 мыңнан астам жолаушының жоспарлары бұзылды. Бұл ереуілдер жалақы туралы келіссөздердің екінші кезеңі сәтсіз аяқталғаннан кейін басталған.
Қоғамдық қызметкерлердің мүддесін қорғайтын Verdi кәсіподағы 2,5 миллионға жуық қызметкер үшін ұжымдық жалақы келісімін жасауды талап етеді. Өткен айда Verdi Мюнхенде екі күндік ереуілді қоса алғанда, бірнеше ереуіл ұйымдастырған болатын.