Әйелдер мерекесінде Атырауда 35 қыз бала дүниеге келді

Атырау облысында 8-9 наурыз күндері ерекше қуанышты сәттерге толы болды. Облыстық денсаулық сақтау басқармасының мәліметінше, осы екі күнде өңірде барлығы 63 сәби дүниеге келген. Оның 35-і қыз болса, 28-і ұл.

Әсіресе, 8 наурыз – Халықаралық әйелдер күні ерекше есте қалды. Дәл осы мерекелік күні облыс бойынша 20 қыз өмірге келді. Ал келесі күні, 9 наурызда тағы 15 қыз дүние есігін ашты.

Бұл күндері егіздер тіркелген жоқ. Барлық ана мен баланың жағдайы тұрақты, дәрігерлердің жіті бақылауында, деді басқарманың баспасөз қызметі.

Нұрбейбіт НҰҒЫМАНОВ