Теңізде екі жұмысшы уланып қалды

«Теңізшевройл» (ТШО) кәсіпорнында газ кетіп, салдарынан екі қызметкер уланып қалды, деп хабарлады Қазақстанның Мұнай және газ кеңесінің баспасөз қызметі.

«Оқиға 8 наурызда Теңіз кен орнында – КТЛ-2,3 (5-ші желі) газ өңдеу зауытында болды. Бізге жеткен мәлімет бойынша, сепаратордың фланецті қосқышынан құрамында күкіртсутегі бар газдың кетуі салдарынан ТШО мердігер компаниясының екі қызметкері уланған. Олар тексерілу үшін емханаға жеткізіліп, кейін Атыраудағы ауруханаға жеткізілді», - делінген хабарламада.

Қауіпсіздікке қауіп төнуіне байланысты нысанның персоналы эвакуацияланды.

Газ кетуі жойылып, жабдық тексерілгеннен кейін қызметкерлер жұмыс орындарына оралып, қондырғы қайта іске қосылды.