Оңтүстік Кореяның биліктен қуылған президенті қамаудан босатылды

1 105 просмотра

Сеул орталық аудандық соты Юн Сок Ёлдың қамауға алу туралы шешімнің күшін жою туралы өтінішін қанағаттандырды, деп хабарлайды Анадолы агенттігі Оңтүстік Кореяның Yonhap ақпараттық агенттігіне сілтеме жасап.

Елде әскери жағдайдың жариялануына байланысты қызметінен шеттетілген Оңтүстік Корея президенті Юн Сок Ёл сот шешімімен қамаудан босатылды.

Саясаткер 3 желтоқсанда әскери жағдай жариялағаны үшін тағылған айыптың заңсыз екенін алға тартып, сотқа арыз жазған.

Оңтүстік Корея президенті 15 қаңтарда елде әскери жағдайдың енгізілуіне қатысты тергеу аясында ұсталды. Ұсталғаннан кейін ол жоғары лауазымды шенеуніктер арасындағы сыбайлас жемқорлықты тергеу басқармасына (CIO) жеткізілді.

Тұтқындалған бірінші күні президенттен 10 сағаттан астам жауап алынды.

19 қаңтарда Юн Сук Ёл "тәртіпсіздікті ұйымдастырды" және "қызметтік өкілеттігін асыра пайдаланды" деген айыптармен қамауға алынды.

7 наурыз, 13:19

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.