В Атырау 0 
Атырау облысының Сағыз – Мақат учаскесінде пойыз машинисі боран және нашар көріну жағдайында жолға шығып кеткен жылқы табынының соғылуына жол бермеді, деп хабарлайды ҚТЖ баспасөз қызметі.
Жануарлар теміржолдың жанында еркін жайылып жүрді және рельстерді баяу кесіп өтіп, апатқа қауіп төндірді. Машинист ұзақ дыбыстық дабыл беріп, шұғыл тежеуді қолданды. Жол дистанциясының қызметкерлері табынды жолдан қуып жіберді.
Оқиға салдарынан екі жолаушы және үш жүк пойызы кідірді. ҚТЖ қараусыз қалған мал теміржол қозғалысына елеулі қауіп төндіретінін және апатты жағдайларға әкеп соғуы мүмкін екенін еске салады.
Сол күні кешке Атырау станциясындағы желілік полиция бөлімінің қызметкерлері жануарлардың иесін анықтады. Көлік полициясының қызметкерлері теміржол жолағында мал жаю қағидасын бұзғаны үшін жылқы иесін ӘҚБтК-нің 559-бабының 1-бөлімі бойынша әкімшілік жауапкершілікке тартты.