В Атырау -2 
Өңірдегі медициналық көмектің сапасын жақсарту, медициналық кадрлардың тапшылығы мәселесін шешу мақсатында Атырау облысына келген 159 дәрігер жергілікті бюджеттің есебінен біржолғы әлеуметтік төлем алды, деп хабарлайды ҚР Денсаулық сақтау министрлігінің баспасөз қызметі.
Әлеуметтік қолдау шеңберінде ауылдық елді мекендерге келген 9 маман 10 млн теңгеден алды.
Аудан орталықтарының медициналық ұйымдарына жұмысқа орналастырылған 32 дәрігер 8,5 млн теңгеден және Атырау қаласын жұмысқа таңдаған 118 дәрігер 5 млн теңгеден алды.
Көтерме жәрдемақы алушыларға хирургтар, педиатрлар, жалпы практика дәрігерлері, офтальмологтар, онкологтар, анестезиологтар-реаниматологтар, невропатологтар, рентгенологтар, кардиологтар, психиатрлар және неонатологтар жатады.
Арнайы әлеуметтік пакет
Ақшалай ынталандырудан басқа, дәрігерлердің жұмысы мен өміріне қолайлы жағдай жасау үшін қосымша шаралар қабылданды.
Егер жас мамандар ауылдық елді мекендерге жұмысқа орналасса, оларға:
- қызметтік тұрғын үй;
- төмен пайызбен тұрғын үй сатып алу мүмкіндігі;
- қосымша жалақы үстемелері.
Бүгінгі таңда Атырау облысында 107 дәрігер жетіспейді.
Мемлекеттік қолдау шаралары
Қазақстан Республикасы Ұлттық экономика министрінің 2014 жылғы 6 қарашадағы №72 бұйрығына сәйкес денсаулық сақтау, білім беру, әлеуметтік қорғау, мәдениет, спорт және агроөнеркәсіптік кешен саласындағы мамандарға, сондай-ақ ауылдық елді мекендерге жұмыс істеу және тұру үшін келген ауылдық округтер әкімдері аппараттарының мемлекеттік қызметшілеріне әлеуметтік қолдау шаралары көзделген.
Осы бұйрыққа сәйкес:
- 100 АЕК мөлшерінде көтерме жәрдемақы төленеді;
- Тұрғын үй сатып алуға немесе салуға бюджеттік кредит түрінде әлеуметтік қолдау көрсетіледі.