Халықаралық Олимпиада комитеті World Boxing федерациясын уақытша мойындады

Халықаралық олимпиада комитеті (ХОК) World Boxing-ты әлемдік боксты басқаратын халықаралық федерация ретінде уақытша мойындады, деп хабарлайды life.ru.

World Boxing бес континенттегі 78 ұлттық федерацияны біріктіреді. Бұл шешім бокс ұйымының басқару құрылымын тиімді құрудағы, этикалық және сыбайлас жемқорлыққа қарсы нормаларды әзірлеудегі, сондай-ақ допингке қарсы саладағы белсенді жұмысымен байланысты.

2023 жылдың шілдесінде ХОК Халықаралық бокс қауымдастығын (IBA) қаржылық және басқарушылық проблемаларды жоя алмағаны үшін Олимпиада қозғалысынан шығарды. Париждегі 2024 жылғы ойындардағы бокс турнирін ұйымдастыруды ХОК өз қолына алған еді. Сол жылдың қазан айында ХОК президенті Томас Бах IBA-мен байланысты біржола үзгенін мәлімдеді.

World Boxing қазір Дүниежүзілік допингке қарсы кодекске сай болу үшін қадамдар жасап, халықаралық допингке қарсы агенттіктермен жұмыс істеуде.