В Атырау +1 
Атыраудағы Достық үйінде Масленица мерекесінің салтанаты өтті,- деп хабарлайды Өңірлік коммуникациялар қызметі.
Іс-шараға жүзге жуық көрермен қатысып, түрлі ойынға қатысып, ән мен биден әдемі күйге бөленді.
- Бұл мереке несімен танымал? Әрине, ән-биімен, жарқын көңіл-күй сыйлайтын сәттерімен ерекше. Әлбетте, біз бәріңізді осы мерекемен құттықтап, бар жақсылықты тілейміз,- деді Достық үйінің қызметкері Лобыкин Андрей.
Қатысушылар құймақ пісіру сайысына қатысты. Қатысушылар өздерінің аспаздық шеберліктерін көрсетіп, келген қонақтарды дәмді құймақтарымен тәнті етті.
- Атырау халқын Масленица мерекесімен құттықтаймын! Баршаңызға бақыт, денсаулық, табыс және қуаныш тілеймін. Бізбен бірге болыңыздар, көңіл көтеріп, жақсы демалыңыздар,- деді қатысушы Ирина Добровская.
Масленица мерекесі көңіл көтеру ғана емес, ұлттық дәстүрлерді жаңғыртып, халықты біріктіруге бағытталған.
Мереке соңындағы қызықты флеш-билер мен эстафеталар шараны одан бетер қызықты етті. Айта өтейік, Масленица жыл сайын тойланады.