В Атырау
+15 
«Ресей Федерациясының субъектілеріне айналған және ел Конституциясына енгізілген «жаңа» аймақтар біздің еліміздің, Ресейдің ажырамас бөлігі болып табылады. Бұл даусыз әрі талқыланбайтын факт». Бұл туралы журналистерге Ресей президентінің баспасөз хатшысы Дмитрий Песков мәлімдеді, деп хабарлайды Анадолы агенттігі.
Ыстамбұлда Ресей Федерациясы мен АҚШ делегациялары арасындағы келіссөздер екі ел арасында бұрыннан қалыптасқан байланыстарды дамыту бағытында өтуде, деді Кремль өкілі.
«Бұл мәселе бойынша Эр-Риядта іргелі келісімдерге қол жеткізілді. Бүгін Ыстамбұлда сарапшылар деңгейінде кездесу өтіп жатыр, дипломаттарымыз екі президенттің телефон арқылы сөйлесуі барысында қол жеткізілген түсіністік пен жоғары деңгейдегі делегациялар арасындағы Эр-Риядта қол жеткізілген уағдаластықтарды дамыту үшін жұмыс істеп жатыр. Келіссөздердің нәтижелері туралы ақпарат беріледі», - деп уәде берді Песков.
Оның айтуынша, Ресей мен Америка Құрама Штаттарының әлеуетті ынтымақтастығы үшін өріс кең, бірақ бұл мәселе бойынша әзірге нақты әңгіме жоқ.
«Біз президент Трамптың өзі сөйлеп жатқанын және басқаларды тыңдауға дайын екенін көріп отырмыз. Бұл өте маңызды және Вашингтондағы қазіргі әкімшіліктің бұрынғысынан мүлде өзгеше екенін көрсетеді», - деді ол.
Кремль сондай-ақ АҚШ пен ЕО арасындағы жағдайға, соның ішінде Америка әкімшілігінің Еуропалық Одақтан жеткізілетін тауарларға 25 пайыздық кедендік баж салығын енгізу туралы шешіміне түсініктеме беріп, әлемдегі сауда соғыстарына қарсы шықты.
«Әрине, біз әлемде сауда соғыстарының көп болғанын қаламас едік. Өйткені, бұл барлық елдерге кері әсерін тигізеді», - деді Песков.
Кремль өкілі Ресейдің қазіргі уақытта ең алдымен «достық елдерге», соның ішінде БРИКС бойынша серіктестеріне назар аударып отырғанын еске салды. «Онда біз өз мүдделеріміз бен серіктестеріміздің мүдделеріне сай келетін әдістермен әрекет етеміз. Бұл жерде тарифтік соғыстарды болдырмауға тырысамыз», - деді ол.