Атырауда көпқабатты үйлердің шатырларынан мұздар тазартылуда

Атырауда көпқабатты тұрғын үйлердің шатырларында жиналып, құлау қаупі бар мұздарды тазалау жұмыстары жүргізілуде.

Қалалық әкімдіктің мәліметінше, мұздарды қауіпсіз түсіру үшін арнайы автокран қолданылып жатыр. Бұл жұмыстарға Атырау қаласының тұрғын үй-коммуналдық шаруашылығы және тұрғын үй инспекциясы, "Арнаулы АвтоБаза" мекемесі, сондай-ақ қалалық төтенше жағдайлар басқармасының қызметкерлері жұмылдырылған.

Әкімдік тұрғындарды тазалау жұмыстары жүргізіліп жатқан аймақтарда сақтық шараларын қатаң сақтауға және арнайы ескерту белгілеріне назар аударуға шақырды.

Нұрбейбіт НҰҒЫМАНОВ