В Атырау
+15 
Анталья әуежайында босанған соң сәбиін тастап кеткен Ресей азаматы Екатерина Бурназкина сотқа жеткізілді. Бірінші сот отырысында босату туралы өтініші қабылданбаған Бурназкина екінші сот отырысында жақын туысын өлтіруге оқталғаны үшін 15 жылға бас бостандығынан айырылды, деп хабарлайды yenimesaj.
Сәбидің әжесі Елена Бурназкина ақталды. Адвокаттар бұл шешімге таң қалғандарын айтып, шағым түсіретіндерін мәлімдеді.
Еске салсақ, 13 қазанда кешке тазалық қызметкерлері Анталья әуежайындағы мүгедектер дәретханасынан жаңа туған нәрестені тауып алған еді. Бурназкина босанған соң анасымен елден кетпек болған. Оларды төлқұжат бақылау рәсімінен өту кезінде Анталья полициясының әуежай бөлімшесі қзметкерлері ұстады. Медициналық бригадалар көрсеткен алғашқы көмектен кейін жаңа туған нәресте ауруханаға жеткізілді. Екатерина Бурназкина да басқа ауруханаға жеткізіліп, емделді. Кейін олар қамауға алынған болатын.