В Атырау
+14 
Дональд Трамп Украина АҚШ-пен арадағы маңызды келісімнен бас тартты мәлімдеді. Трамп осы уақытқа дейін АҚШ-тың Украинаға берген ақшалай көмегінің есебі ретінде Украинаның сирек металдар қорының 50 пайызын алып отырмақ болған еді, деп хабарлайды Azattyq Rýhy ВВС-ге сілтеме жасап.
«Бізде сирек металдар туралы келісім болған, бірақ олар бұл келісімді екі күн бұрын бұзды», - деді Трамп Майамиде өткен форумда.
Трамп соғыс басталғалы АҚШ-тың Украинаға 350 млрд доллар көмек бергенін, бірақ оның қайтарымы болмағанын тілге тиек еткен.
«Еуропа елдері берген ақшасын қайтарып алып отыр, ал АҚШ түк те алған жоқ»,- деді ол.
Ақпанның басында Трамп украиндар қазба байлығын берсе, АҚШ көмек қолын созатынын айтқан. Оның сөзінше, Украина жерінде сирек кездесетін металдың ірі қорлары жинақталған.
«Біз жүздеген миллиард ақшамызды беріп отырмыз, біздің ақшамыздың қауіпсіздікте болғанын қалаймын», - деді Трамп.
Өткен аптада АҚШ-тың қаржы министрі Скот Бессент Киевке барып, пайдалы қазбаларға инвестиция салуды көздейтін ынтымақтастық туралы келісім жобасы ұсынған. Оған Зеленский «ойланамыз» деп жауап берген. Кейін Зеленский Украинаның қазба байлығының 50 пайызын Америкаға беруден бас тартты.
«Құжатты әлі зерттеп болған жоқпыз, сондықтан мен келісімге қол қоймадым», - деп түсіндірді Украина президенті.
Reuters-тің хабарлауынша, Ақ үй құжатта жазылған талаптарды жеңілдетіп Киевке тағы да ұсынуы мүмкін. Агенттіктің дерегінше, АҚШ Украинаның ең қажетті әрі қымбат: графит, уран, литий сияқты минералды ресурстарының тең жартысын алғысы келген.