​Грузияның бұрынғы президенті Зурабишвилиге Тбилиси әуежайында жұмыртқа лақтырды

Грузияның бесінші президенті Саломе Зурабишвилиге ел астанасының әуежайында бейтаныс адамдар шабуыл жасаған, олар бұрынғы президентке жұмыртқа лақтырды, деп хабарлайды Zakon.kz.

Оқиға 18 ақпанда Тбилиси әуежайында Грузияның экс-президенті Мюнхеннен оралған кезде болды.

"Грузияның бірінші каналының" дерегінше, Зурабишвили полицияға шағым түсіріп, тергеуді қажет етті.

"Біз мұны соңына дейін жеткіземіз. Әрекет алдын-ала ұйымастырылған. Олардың қолынан келетін жалғыз нәрсе – қандай да бір репрессиялық шаралар қабылдау және жұмыртқа лақтыру",-деді Саломе Зурабишвили,

Оның әлеуметтік желілердегі жарияланымдарына қарағанда, Мюнхенде Зурабишвили сол жерде тұратын грузин диаспорасымен кездесті. Олармен бірге ол бүкіл әлемдегі грузиндердің әртүрлі деңгейдегі сайлау процестеріне қатысуын талқылады.