​Атырауда қар тазалау жұмыстары жүріп жатыр

Атырау қаласында ауа райының күрт өзгеруіне байланысты халық көп жиналатын орындарда көктайғақтың алдын алу шаралары жүргізілуде. Қауіпсіздікті қамтамасыз ету мақсатында арнайы қызметшілер инертті материалдарды төсеу жұмыстарын қолға алды. Бұл туралы Өңірлік коммуникациялар қызметі хабарлайды.

“Арнаулы автобаза” мекемесінен жолдарды қардан тазалау үшін 8 сыпырғыш трактор, қос шағын сыпырғыш трактор, көпқызметті 4 жол техникасы, 150 жол жұмысшысы жұмылдырылды.

Қазіргі уақытта аялдамалар маңы, көпірлер, жаяу жүргіншілер жолдары мен жол қиылыстарына арнайы қоспа себу жұмыстары жүргізілуде.