В Атырау -10 
Атырау облысында полицейлер есірткі сатушының әрекетін тоқтатып, одан 500 дозадан астам синтетикалық «Альфа-PVP» есірткі затын тәркіледі.
Полиция департаментінің баспасөз қызметі хабарлағандай, есірткі қылмысына қарсы іс-қимыл басқармасының қызметкерлері әлеуметтік желіге мониторинг жүргізу кезінде үйінің ішінде есірткі заттарын таратумен айналысқан 30 жастағы Ақтөбе тұрғынын ұстады.
- Күдіктіні тінту барысында жалпы құны 30 миллион теңге болатын есірткі тәркіленді. Тергеу барысында күдіктінің Атырау қаласына Telegram арқылы синтетикалық есірткі заттарын cатумен айналысатын интернет дүкенге жұмысқа орналасу мақсатында келгені анықталды, - деп хабарлады баспасөз қызметі..
Қазіргі уақытта тергеу сотының үкімімен күдікті екі айға қамауға алынып, сотқа дейінгі тергеу амалдары жүргізіліп жатыр.
Дайындаған Айнұр САПАРОВА