​QazaqGaz және PetroChina Қытайға экспорттайтын газ көлемін арттыруға келісті

QazaqGaz және PetroChina 2025 жылы ҚХР қазақстандық газдың көлемін арттыру туралы келісті, деп хабарлайды компанияның баспасөз қызметі. 

“QazaqGaz” ҰК” АҚ Басқарма төрағасы Санжар Жаркешов және PetroChina International Директорлар кеңесінің атқарушы төрағасы У Цзюньли табиғи газды сатып алу-сату туралы үш жылдық қосымша келісімге қол қойды. Бұл қадам Қазақстан мен Қытайдың энергетикалық саладағы стратегиялық серіктестігінің беріктігін көрсетеді. Қазақстанның газ өнеркәсібі өңірдің энергетикалық қауіпсіздігін нығайту үшін ресурстардың сенімді жеткізушісі болып табылады.

Құжатқа Астанада өтіп жатқан Қазақстан-Қытай бизнес форумы аясында қол қойылды.